കുവൈറ്റ് സിറ്റി : ഖൈത്താൻ ഇന്ത്യൻ കമ്മ്യൂണിറ്റി സ്‌കൂളിലെ മുൻ വിദ്യാർത്ഥി ഇമ്മാനുവൽ ചൊവ്വാഴ്ച പുലർച്ചെ കണ്ണൂർ ജില്ലയിലെ ദാരുണമായ അപകടത്തിൽ അന്തരിച്ചു. ഐസിഎസ്കെ ഖൈത്താനിലെ വിദ്യാർത്ഥിയായിരുന്ന , പത്താം ക്ലാസ് പൂർത്തിയാക്കിയ ശേഷം കുവൈറ്റ് വിട്ടു. കേരളത്തിൽ നിന്ന് ബിരുദപഠനം തുടരുകയായിരുന്നു.കേരളത്തിലെ കണ്ണൂർ ജില്ലയിലെ ഇരിട്ടി സ്വദേശിയായ ഇമ്മാനുവൽ ബെന്നി ജോസഫിൻ്റെ (മുൻ ലിമാക് ജീവനക്കാരൻ) മകനാണ്, അമ്മ ബീന അൽ റാസി ഹോസ്പിറ്റലിൽ സ്റ്റാഫ് നഴ്സായി ജോലി ചെയ്യുകയാണ്. രണ്ട് വർഷം മുമ്പാണ് കുടുംബം കുവൈത്ത് വിട്ടത്. ഇമ്മാനുവൽ പ്രൊഫഷണൽ ഫുട്ബോൾ കളിക്കാരനായിരുന്നു കൂടാതെ കുവൈറ്റിലെ വിവിധ ടൂർണമെൻ്റുകളിൽ പങ്കെടുത്തിരുന്നു. കണ്ണൂര്‍ അങ്ങാടിക്കടവിൽ ഇന്ന് പുലര്‍ച്ചെയോടെയാണ് അപകടമുണ്ടായത്. നിയന്ത്രണം വിട്ട കാര്‍ കുളത്തിലേക്ക് മറിയുകയായിരുന്നു. കുളത്തിലേക്ക് കുത്തനെ മറിഞ്ഞ കാറിൽ നിന്ന് കാര്‍ യാത്രികനെ നാട്ടുകാര്‍ രക്ഷപ്പെടുത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല.തൃശൂരിൽ വിദ്യാര്‍ത്ഥിയായ ഇമ്മാനുവൽ പരീക്ഷ കഴിഞ്ഞ് തിരിച്ച് അങ്ങാടിക്കടവിലേക്ക് വരുന്നതിനിടെയാണ് അപകടമുണ്ടായത്. ഇരിട്ടി മേഖലയിൽ രാവിലെ മഴ പെയ്യുന്നുണ്ടായിരുന്നു. റോഡിലൂടെ പോകുന്നതിനിടെ മരക്കൊമ്പ് വീഴുന്നത് കണ്ട് കാര്‍ വെട്ടിയ്ക്കുകയായിരുന്നു. ഇതോടെ സമീപത്തെ തെങ്ങിൽ കാര്‍ ഇടിച്ചുകയറി. ഇതിനുശേഷം സമീപത്തുള്ള ചെറിയ കുളത്തിൽ കാര്‍ മറിഞ്ഞ് വീഴുകയായിരുന്നു.
