കുവൈത്ത് സിറ്റി: ജനറൽ ട്രാഫിക് ഡിപ്പാർട്ട്‌മെൻ്റും ജനറൽ റെസ്‌ക്യൂ പോലീസ് ഡിപ്പാർട്ട്‌മെൻ്റും എട്ട് ദിവസത്തിനുള്ളിൽ 46,562 ട്രാഫിക് നിയമലംഘനങ്ങൾ രേഖപ്പെടുത്തുകയും 1,648 ട്രാഫിക് അപകടങ്ങൾ കൈകാര്യം ചെയ്യുകയും ചെയ്തു. നവംബർ 30 മുതൽ ഡിസംബർ ആറ് വരെയുള്ള കാലയളവിൽ ജനറൽ ട്രാഫിക് ഡിപ്പാർട്ട്‌മെൻ്റ് ഉദ്യോഗസ്ഥർ 45 നിയമലംഘകരെ മുൻകരുതൽ തടങ്കലിലേക്കും 12 പ്രായപൂർത്തിയാകാത്തവരെ പബ്ലിക് പ്രോസിക്യൂഷനിലേക്കും റഫർ ചെയ്തു. 135 വാഹനങ്ങളും 48 മോട്ടോർ സൈക്കിളുകളും ഇംപൗണ്ട്‌മെൻ്റ് ഗാരേജിലേക്ക് പിടിച്ചെടുത്തു. കൂടാതെ, സിവിൽ, മോഷണക്കേസുകളിൽ ആവശ്യമായ 33 വാഹനങ്ങൾ പിടിച്ചെടുത്തു. വാണ്ടഡ് ലിസ്റ്റിലുള്ള 36 പേരെയും അറസ്റ്റ് ചെയ്യാനായി. അസാധാരണമായ അവസ്ഥയിൽ ഒരാളെ ബന്ധപ്പെട്ട അധികാരികൾക്ക് റഫർ ചെയ്തു, മയക്കുമരുന്ന് കൈവശം വച്ചതായി സംശയിക്കുന്ന ഒരാളെ ജനറൽ ഡിപ്പാർട്ട്‌മെൻ്റിന് റഫർ ചെയ്തു.
