കുവൈറ്റ് സിറ്റി : ഇന്ത്യൻ മാനുഷിക ക്തിയും വൈദഗ്ധ്യവും ‘പുതിയ കുവൈറ്റ്’ കെട്ടിപ്പടുക്കാൻ സഹായിക്കും, അടുത്ത ഏതാനും ആഴ്ചകളിൽ ആഘോഷിക്കുന്ന ഉത്സവ പരമ്പരയിൽ പങ്കെടുക്കുന്നവരെ അഭിവാദ്യം ചെയ്തുകൊണ്ട് മോദി പറഞ്ഞു, ‘നിങ്ങളെല്ലാം ഇന്ത്യയുടെ വിവിധ ഭാഗങ്ങളിൽ നിന്നാണ് വന്നത്, പക്ഷേ നിങ്ങളെയെല്ലാം നോക്കുമ്പോൾ ഒരു കൊച്ചു ഇന്ത്യ ഇവിടെ ഒത്തുകൂടിയതുപോലെ തോന്നുന്നു.’കുവൈറ്റിന്റെ അമീർ ഷെയ്ഖ് മെഷാൽ അൽ-അഹ്മദ് അൽ-ജാബർ അൽ-സബാഹിന്റെ ക്ഷണപ്രകാരം പ്രധാനമന്ത്രി നരേന്ദ്ര മോദി രണ്ട് ദിവസത്തെ സന്ദർശനത്തിനായി കുവൈറ്റിൽ എത്തി. 43 വർഷത്തിനിടെ കുവൈറ്റ് സന്ദർശിക്കുന്ന ആദ്യ ഇന്ത്യൻ പ്രധാനമന്ത്രിയായ മോദിക്ക് ഗൾഫ് രാജ്യത്തിന്റെ മുതിർന്ന ഉദ്യോഗസ്ഥരിൽ നിന്ന് ഊഷ്മളമായ സ്വീകരണം ലഭിച്ചു. സന്ദർശനത്തിന് മുന്നോടിയായി, ഇന്ത്യയും കുവൈറ്റും പശ്ചിമേഷ്യയിലെ സമാധാനം, സുരക്ഷ, സ്ഥിരത എന്നിവയിൽ പൊതുവായ താൽപ്പര്യങ്ങൾ പങ്കിടുന്നുവെന്ന് പ്രധാനമന്ത്രി പറഞ്ഞു.”തലമുറകളായി വളർത്തിയെടുത്ത കുവൈറ്റുമായുള്ള ചരിത്രപരമായ ബന്ധത്തെ ഞങ്ങൾ വളരെയധികം വിലമതിക്കുന്നു. ഞങ്ങൾ ശക്തമായ വ്യാപാര, ഊർജ്ജ പങ്കാളികൾ മാത്രമല്ല, പശ്ചിമേഷ്യ മേഖലയിലെ സമാധാനം, സുരക്ഷ, സ്ഥിരത, സമൃദ്ധി എന്നിവയിൽ പൊതുവായ താൽപ്പര്യം പങ്കിടുന്നു,” അദ്ദേഹം പറഞ്ഞു.1981-ൽ ഇന്ദിരാഗാന്ധിയാണ് അവസാനമായി കുവൈറ്റ് സന്ദർശിച്ച ഇന്ത്യൻ പ്രധാനമന്ത്രി.കുവൈറ്റിലെ ഉന്നത നേതൃത്വവുമായുള്ള തന്റെ ചർച്ചകൾ ഇന്ത്യയും കുവൈറ്റും തമ്മിലുള്ള ഭാവി പങ്കാളിത്തം രൂപപ്പെടുത്തുന്നതിനുള്ള അവസരമാകുമെന്ന് മോദി പറഞ്ഞു.പ്രതിരോധവും വ്യാപാരവും ഉൾപ്പെടെയുള്ള സുപ്രധാന മേഖലകളിലെ കരാറുകൾ നാളെ കുവൈറ്റ് അമീറും നയതതന്ത്ര പ്രധിനിധികളുമായുള്ള ചർച്ചയിൽ ഒപ്പുവെക്കുമെന്ന് പ്രതീക്ഷിക്കുന്നു. ഇന്ന് വൈകുന്നേരം നടന്ന ‘ഹലാ മോദി’ പരിപാടിയിൽ അയ്യായിരത്തോളം വരുന്ന ഇന്ത്യൻ സമൂഹവുമായി സംവദിക്കുകയും ഫുട്ബോൾ ടൂർണമെൻ്റായ അറേബ്യൻ ഗൾഫ് കപ്പിൻ്റെ ഉദ്ഘാടന ചടങ്ങിൽ പങ്കെടുക്കുകയും ചെയ്യും
