കുവൈത്ത് സിറ്റി: കുവൈത്തും ഇന്ത്യയും തമ്മിലുള്ള ഉഭയകക്ഷി ബന്ധത്തിന്‍റെ സുപ്രധാന സ്തംഭങ്ങളാണ് വ്യാപാരവും വാണിജ്യവുമെന്ന് പ്രധാനമന്ത്രി നരേന്ദ്ര മോദി. രണ്ട് വഴികളിലൂടെയുള്ള വ്യാപാരം വർധിച്ചുവെന്ന് അദ്ദേഹം പറഞ്ഞു. ഇരു രാജ്യങ്ങളും തമ്മിലുള്ള ഉഭയകക്ഷി വ്യാപാരം ഉയർച്ചയിലാണ്. ഊർജ പങ്കാളിത്തം ഉഭയകക്ഷി വ്യാപാരത്തിന് സവിശേഷമായ മൂല്യം നൽകുന്നു. മേഡ് ഇൻ ഇന്ത്യ ഉൽപ്പന്നങ്ങൾ, പ്രത്യേകിച്ച് ഓട്ടോമൊബൈൽ, ഇലക്ട്രിക്കൽ, മെക്കാനിക്കൽ മെഷിനറികൾ, ടെലികോം സെഗ്‌മെൻ്റുകൾ എന്നിവ കുവൈത്തിൽ പുതിയ ചുവടുവെപ്പുകൾ നടത്തുന്നത് കാണുന്നതില്‍ സന്തോഷമുണ്ട്.പ്രതിരോധ സഹകരണം, 2025 മുതൽ 2029 വരെ സാംസ്കാരിക കൈമാറ്റം, 2025 മുതൽ 2028 വരെ കായിക സഹകരണം, രാജ്യാന്തര സോളാർ സഖ്യത്തിൽ ഉൾപ്പെടുത്തൽ തുടങ്ങിയ കരാറുകളിലാണ് ഇരുരാജ്യങ്ങളും ഒപ്പുവച്ചത്. പ്രധാനമന്ത്രി നരേന്ദ്രമോദിയുടെ ദ്വിദിന കുവൈത്ത് സന്ദർശനത്തിലൂടെ ഇരുരാജ്യങ്ങളും തമ്മിലുള്ള ബന്ധം ഊട്ടിയുറപ്പിച്ചത് ഇന്ത്യ ഇന്ന് ഏറ്റവും താങ്ങാവുന്ന വിലയിൽ ലോകോത്തര ഉൽപ്പന്നങ്ങൾ നിർമ്മിക്കുന്നു. വലിയ ഉഭയകക്ഷി വ്യാപാരം കൈവരിക്കുന്നതിന് എണ്ണ ഇതര വ്യാപാരത്തിലേക്കുള്ള വൈവിധ്യവൽക്കരണം പ്രധാനമാണ്. ഫാർമസ്യൂട്ടിക്കൽ, ഹെൽത്ത്, ടെക്‌നോളജി, ഡിജിറ്റൽ, ഇന്നൊവേഷൻ, ടെക്‌സ്‌റ്റൈൽ മേഖലകളിൽ ഉഭയകക്ഷി സഹകരണം വിപുലീകരിക്കാൻ ഗണ്യമായ സാധ്യതയുണ്ടെന്നും മോദി കൂട്ടിച്ചേർത്തു.വിഷൻ 2035 പൂർത്തീകരിക്കുന്നതിനായി കുവൈറ്റ് കൈക്കൊണ്ട പുതിയ സംരംഭങ്ങളെ പ്രധാനമന്ത്രി അഭിനന്ദിക്കുകയും ഈ മാസം ആദ്യം ജിസിസി ഉച്ചകോടി വിജയകരമായി നടത്തിയതിന് അമീറിനെ അഭിനന്ദിക്കുകയും ചെയ്തു. അറേബ്യൻ ഗൾഫ് കപ്പിന്റെ ഉദ്ഘാടനച്ചടങ്ങിൽ ‘വിശിഷ്ടാതിഥി’യായി ഇന്നലെ തന്നെ ക്ഷണിച്ചതിലും പ്രധാനമന്ത്രി നന്ദി രേഖപ്പെടുത്തി. കുവൈത്ത് അമീർ അടക്കമുള്ള ഭരണ നേതൃത്വവുമായി ചർച്ച നടത്തിയശേഷം ഇന്ന് വൈകിട്ടാണ് മോദി ഇന്ത്യയിലേക്ക് മടങ്ങിയത്.
