കുവൈത്ത് സിറ്റി: എല്ലാ ഇടപാടുകളിലും “മൈ ഐഡൻ്റിറ്റി” വഴി നൽകുന്ന വാഹന ഡ്രൈവിംഗ് പെർമിറ്റ് ഉപയോഗപ്പെടുത്താമെന്ന് ആഭ്യന്തര മന്ത്രാലയം താമസക്കാര്‍ക്ക് നിര്‍ദേശം നൽകി. മൈ ഐഡൻ്റിറ്റി, സഹേൽ ആപ്ലിക്കേഷനുകൾ, ആഭ്യന്തര മന്ത്രാലയം എന്നിവയുടെ അപേക്ഷകൾ വഴി നൽകുന്ന താമസക്കാർക്കുള്ള വാഹന ഡ്രൈവിംഗ് പെർമിറ്റ് രാജ്യത്തെ എല്ലാ സ്ഥാപനങ്ങളിലും സാധുതയുള്ളതായിരിക്കും. കൂടാതെ എല്ലാ സർക്കാർ, സർക്കാരിതര ഇടപാടുകളിലും ഉപയോഗിക്കുകയും തെളിയിക്കുകയും വേണം. മന്ത്രാലയത്തിൻ്റെ അണ്ടർസെക്രട്ടറി ഈ തീരുമാനം നടപ്പിലാക്കും. അത് പ്രസിദ്ധീകരിക്കുന്ന തീയതി മുതൽ പ്രാബല്യത്തിൽ വരുമെന്നും അധികൃതര്‍ വ്യക്തമാക്കി.
