കുവൈത്ത് സിറ്റി: വിദേശികളുടെ താമസ നിയമം സംബന്ധിച്ച ഡിക്രി-നിയമം (2024 ലെ 114) ഞായറാഴ്ച മുതൽ പ്രാബല്യത്തിൽ വരുമെന്ന് ആഭ്യന്തര മന്ത്രാലയം അറിയിച്ചു. ജനനത്തീയതി മുതൽ നാല് മാസത്തിനുള്ളിൽ നവജാതശിശുവിനെ രജിസ്റ്റർ ചെയ്യുന്നതിൽ പരാജയപ്പെടുന്നത് ആർട്ടിക്കിൾ (6) ൻ്റെ ലംഘനമായി കണക്കാക്കപ്പെടും. കൂടാതെ സെറ്റിൽമെൻ്റ് തുക ഓരോ ദിവസത്തിനും 2 ദിനാർ നൽകണം. ആദ്യ മാസത്തെ കാലതാമസവും അതിനുശേഷം 4 ദിനാർ വൈകുന്ന ഓരോ ദിവസത്തിനും പിഴ ചുമത്തുമെന്നും പരമാവധി പിഴ 2,000 ദിനാർ ആണെന്ന് മന്ത്രാലയത്തിലെ ജനറൽ ഡിപ്പാർട്ട്‌മെൻ്റ് ഓഫ് സെക്യൂരിറ്റി റിലേഷൻസ് ആൻഡ് മീഡിയ വിശദീകരിച്ചു. എൻട്രി വിസയുമായി രാജ്യത്ത് പ്രവേശിച്ച ഗാർഹിക തൊഴിലാളികൾക്കും സമാനമായ സാഹചര്യത്തിലുള്ളവർക്കും റെസിഡൻസി പെർമിറ്റ് നേടാൻ ഓരോ ദിവസവും വൈകുന്നതിന് രണ്ട് കുവൈത്തി ദിനാർ പിഴയും പരമാവധി പിഴ 600 ദിനാറും ആയിരിക്കും. സർക്കാർ മേലെയിൽ ജോലി ചെയ്യാനുള്ള എൻട്രി വിസ, സ്വകാര്യ മേഖലയിൽ ജോലി ചെയ്യാനുള്ള എൻട്രി വിസ, പ്രാക്ടീസ് ചെയ്യാനുള്ള എൻട്രി വിസ എന്നിങ്ങനെ വിവിധ തരത്തിലുള്ള റെസിഡൻസ് എൻട്രി വിസയിൽ രാജ്യത്ത് പ്രവേശിച്ചവർക്ക് രാജ്യത്ത് താമസാനുമതി ലഭിക്കുന്നതിൽ ഒരു വിദേശി പരാജയപ്പെട്ടാൽ സെറ്റിൽമെൻ്റ് തുക ആദ്യ മാസത്തിലെ ഓരോ ദിവസത്തിനും രണ്ട് ദിനാർ ആയിരിക്കും. അതിനു ശേഷം ഓരോ ദിവസത്തിനും 4 ദിനാർ, പരമാവധി പിഴ 1,200 ദിനാർ ആയിരിക്കുമെന്നും ആഭ്യന്തര മന്ത്രാലയം വ്യക്തമാക്കി.
