കുവൈത്ത് സിറ്റി: മെഡിക്കൽ റീഹാബിലിറ്റേഷൻ സേവനങ്ങൾക്കുള്ള ആവശ്യം വർധിക്കുന്ന സാഹചര്യത്തിൽ ആരോഗ്യ മന്ത്രാലയം ഒരു പുതിയ ആശുപത്രി സ്ഥാപിക്കാൻ ഒരുങ്ങുകയാണെന്ന് ആരോഗ്യമന്ത്രി ഡോ. അഹമ്മദ് അൽ അവാദി അറിയിച്ചു. ഫിസിക്കൽ മെഡിസിൻ, മെഡിക്കൽ റീഹാബിലിറ്റേഷൻ എന്നിവയുടെ സ്പെഷ്യാലിറ്റി സമഗ്ര ആരോഗ്യ പരിപാലന സംവിധാനത്തിൻ്റെ അടിസ്ഥാനങ്ങളിൽ ഒന്നാണെന്നും അദ്ദേഹം പറഞ്ഞു. ഫിസിക്കൽ മെഡിസിൻ, റീഹാബിലിറ്റേഷൻ എന്നിവ ആരോഗ്യ വെല്ലുവിളികളെ അഭിമുഖീകരിക്കുന്നു, ശാരീരിക പരിക്കുകൾ, സ്ട്രോക്കുകൾ, സുഷുമ്നാ നാഡിക്ക് പരിക്കുകൾ, വാർദ്ധക്യ പ്രശ്നങ്ങൾ, സംയോജിതവും സമഗ്രവുമായ പരിചരണം ആവശ്യമുള്ള മറ്റ് അവസ്ഥകൾ എന്നിവയ്ക്ക് ശേഷമുള്ള റീഹാബിലിറ്റേഷൻ ഇതിൽ ഉൾപ്പെടുന്നു. നിലവിലെ ആരോഗ്യ വെല്ലുവിളികൾക്ക് നൂതനവും സംയോജിതവുമായ തന്ത്രങ്ങൾ ആവശ്യമാണ്. കൂടാതെ ആധുനിക ജീവിതശൈലിയുമായി ബന്ധപ്പെട്ട വിട്ടുമാറാത്ത രോഗങ്ങളുടെ വർധനവും ഒരു വെല്ലിവിളിയായി മാറിയിട്ടുണ്ടെന്നും അദ്ദേഹം കൂട്ടിച്ചേർത്തു.
