കുവൈത്ത് സിറ്റി: പബ്ലിക് അതോറിറ്റി ഫോർ അഗ്രികൾച്ചർ അഫയേഴ്‌സ് ആൻഡ് ഫിഷ് റിസോഴ്‌സുമായി ഏകോപിപ്പിച്ച് അൽ വഫ്‌റയിലെ സബാഹ് അൽ അഹമ്മദ് റെസിഡൻഷ്യൽ ഏരിയയും ഫാമുകളും ലക്ഷ്യമിട്ട് അൽ വഫ്‌റ ഏരിയ കമാൻഡ് സുരക്ഷാ കാമ്പയിൻ നടത്തി. നിയമപരവും കാർഷികവുമായ ചട്ടങ്ങൾ പാലിക്കുന്നുണ്ടെന്ന് ഉറപ്പാക്കാൻ ലക്ഷ്യമിട്ടായിരുന്നു ക്യാമ്പയിൻ. ആവശ്യമായ മാനദണ്ഡങ്ങൾ പാലിക്കുന്നതിൽ പരാജയപ്പെട്ട ഫാമുകൾക്കെതിരെ നടപടി സ്വീകരിച്ചു. ലൈസൻസില്ലാതെ വാഹനമോടിച്ചതിന് പ്രായപൂർത്തിയാകാത്ത 10 പേർ അറസ്റ്റിലായി. തീർപ്പാക്കാത്ത കേസുകളിൽ തിരയുന്ന 21 വ്യക്തികളെ പിടികൂടി. തിരിച്ചറിയൽ രേഖ നൽകുന്നതിൽ പരാജയപ്പെട്ടതിന് മൂന്ന് പേരെയും കസ്റ്റഡിയിലെടുത്തു. താമസ, തൊഴിൽ നിയമങ്ങൾ ലംഘിച്ചതിന് ഒരാളെ അറസ്റ്റ് ചെയ്തു. അശ്രദ്ധമായ വാഹനമോടിച്ചതുൾപ്പെടെ ഗതാഗത നിയമലംഘനങ്ങൾക്ക് 15 വാഹനങ്ങളും പിടിച്ചെടുത്തു.
