കുവൈത്ത് സിറ്റി: ഇലക്ട്രോണിക് സേവനങ്ങൾക്കായുള്ള ഏകീകൃത സർക്കാർ ആപ്ലിക്കേഷനായ സഹേൽ വികസിപ്പിക്കുന്നതിനുള്ള ശ്രമങ്ങൾ പൂർത്തിയാക്കാൻ മന്ത്രിസഭാ കൗൺസിൽ കമ്മ്യൂണിക്കേഷൻസ് കാര്യങ്ങൾക്കുള്ള സ്റ്റേറ്റ് മന്ത്രിയെ ചുമതലപ്പെടുത്തി. സർക്കാർ ഏജൻസികളിലെ പേപ്പർ ഇടപാടുകൾ അവസാനിപ്പിക്കുക, രാജ്യത്തെ ഡിജിറ്റൽ പരിവർത്തനവുമായി ബന്ധപ്പെട്ട എല്ലാ കാര്യങ്ങളും പൂർത്തിയാക്കുക, ജോലി സുഗമമാക്കുക തുടങ്ങിയവയാണ് ലക്ഷ്യങ്ങൾ.ഈ വിഷയത്തിൽ നൽകുന്ന സേവനങ്ങളെയും വികസിപ്പിച്ചുകൊണ്ടിരിക്കുന്നവയെയും സംബന്ധിച്ച പുരോഗതികളും സ്ഥിതിവിവരക്കണക്കുകളും ഉൾപ്പെടുന്ന ഒരു അർദ്ധ വാർഷിക ആനുകാലിക റിപ്പോർട്ട് മന്ത്രിസഭാ കൗൺസിലിന് സമർപ്പിക്കണം എന്നും അറിയിച്ചിട്ടുണ്ട്. സഹേൽ ആപ്ലിക്കേഷനുമായി ബന്ധപ്പെട്ട് നടത്തിയ പ്രവർത്തനങ്ങളെക്കുറിച്ചുള്ള കമ്മ്യൂണിക്കേഷൻസ് കാര്യങ്ങൾക്കുള്ള സ്റ്റേറ്റ് മന്ത്രി സമർപ്പിച്ച ആനുകാലിക റിപ്പോർട്ടും മന്ത്രിസഭാ കൗൺസിൽ വിലയിരുത്തി.
