കുവൈത്ത് സിറ്റി: എയ്ഡ്‌സ് ദിനത്തോടനുബന്ധിച്ച് അവന്യൂസ് മാളിൽ ബോധവത്കരണ പരിപാടി സംഘടിപ്പിച്ചു. ആരോഗ്യ മന്ത്രാലയത്തെ പ്രതിനിധീകരിച്ച് പബ്ലിക് ഹെൽത്ത് സെക്ടറിലെ അക്വയേർഡ് ഇമ്മ്യൂണോ ഡിഫിഷ്യൻസി സിൻഡ്രോം ഓഫീസിന്റെ നേതൃത്വത്തിലാണ് പരിപാടി നടന്നത്. ഏയ്ഡ്സിനെ ചെറുക്കുന്നതിന് അന്താരാഷ്ട്ര ഐക്യദാർഢ്യം ഉറപ്പാക്കാൻ ലക്ഷ്യമിട്ടായിരുന്നു പരിപാടി. ആരോഗ്യമന്ത്രി ഡോ. അഹമ്മദ് അൽ അവാദിയും പങ്കെടുത്തു. വൈറസിനുള്ള ചികിത്സ എല്ലാ പൗരന്മാർക്കും സൗജന്യമായി നൽകുന്നുണ്ടെന്നും ഓഫീസിന് പുറമെ രോഗത്തെ പ്രതിരോധിക്കുന്നതിലും രോഗബാധിതർക്ക് പ്രാദേശിക തലത്തിൽ പരിചരണം നൽകുന്നതിലും വികസിത രാജ്യങ്ങളിലൊന്നാണ് കുവൈറ്റ് എന്നും അവർ പറഞ്ഞു. രോഗത്തിൻ്റെ അപകടസാധ്യതകളെക്കുറിച്ചും എങ്ങനെ പ്രതിരോധിക്കാം എന്നതിനെക്കുറിച്ചും അവബോധം വളർത്താനാണ് ത്രിദിന പരിപാടിയിലൂടെ മന്ത്രാലയം ലക്ഷ്യമിടുന്നതെന്ന് ആരോഗ്യ മന്ത്രാലയത്തിലെ എയ്ഡ്‌സ് ഓഫീസ് മേധാവി ഡോ. സാറാ അൽ ഖബന്ദി പറഞ്ഞു. എച്ച്ഐവി അണുബാധയുമായി ബന്ധപ്പെട്ട എല്ലാ കാര്യങ്ങളിലും എയ്ഡ്‌സ് ഓഫീസ് ശ്രദ്ധ നൽകുന്നുണ്ട്. അവബോധം, പരിശോധന, കോൺടാക്‌റ്റുകളെ പിന്തുടരൽ, പ്രവർത്തന നയങ്ങൾ ക്രമീകരിക്കൽ, വിവിധ ബന്ധപ്പെട്ട അധികാരികളുമായി ഏകോപിപ്പിക്കൽ തുടങ്ങിയ പ്രവർത്തനങ്ങളെല്ലാം നടത്തുന്നുണ്ടെന്നും അദ്ദേഹം കൂട്ടിച്ചേർത്തു.
